Klubi 261 i Shqipërisë
MIRËSEVINI NË KOMUNITETIN E 261 FEARLESS CLUB ALBANIA
Vendi ynë i vogël është pjesë e një komuniteti të madh global vajzash e grash të klubeve 261 Fearless me dy grupe në dy qytete: Tiranë dhe Rrëshen.
Bëhu kurajoze me klubin 261 të Shqipërisë!
Qëllimi i këtij komuniteti është të fuqizojë vajzat dhe gratë nëpërmjet vrapimit social, jokonkurrues. Këtu vajzat dhe gratë mbështesin njëra-tjetrën për të krijuar këndvështrim pozitiv e shpresëplotë si edhe për të rritur vetëbesimin që vjen nga një trup i sigurt dhe i shëndetshëm.
Ne jemi këtu për t’ju mirëpritur dhe për t’ju bërë pjesë të udhëtimit tonë drejt shëndetit të mirë. Emri i klubit, në gjuhën angleze sipas emrit të klubit të parë të hapur në Shtetet e Bashkuara të Amerikës, Fearless – kurajoze e sypatrembur. Bashkohuni me ne të bëhemi kurajoze së bashku.
261 Fearless Inc.
KLUBI I VRAPIMIT 261 SHQIPËRI
Klubi 261 në Shqipëri është një grup vrapimi social për të gjitha vajzat dhe gratë, pavarësisht moshës, peshës dhe mundësive. Vrapi nuk është garë dhe grupi solidarizohet me ritmin e ditës. Ne besojmë se sa më shumë pjesëtare të kemi në grup, aq më interesante bëhen takimet e përjavshme.
Ky grup është pjesë e klubit ndërkombëtar 261 Fearless Inc. e cila është organizatë jo-fitimprurëse e themeluar në vitin 2015 në Shtetet e Bashkuara. Ai u krijua nga vrapuesja pioniere, Kathrine Sëitzer, e para grua që vrapoi në Maratonën e Bostonit në vitin 1967. Qëllimi i organizatës është të përdorë vrapimin si mjet për të fuqizuar dhe bashkuar gratë nëpërmjet klubeve të vrapimit në vende të ndryshme, nëpërmjet programeve edukative, platformave të komunikimit dhe aktiviteteve të bazuara në vrapime sociale.
Qëllimi ynë është të shpërbëjmë pengesat gjeografike në krijimin e një komuniteti global për gra që vrapojnë në bazë të aftësive të tyre të ndryshme për të vrapuar, me qëllim që të mbështesim, inkurajojmë dhe frymëzojmë njëra-tjetrën për krijimin e një ndjesie më pozitive për veten dhe largimin e frikërave e pengesave. Klubet 261 Fearless gjenden tashmë në tre kontinente dhe vazhdojnë të shtohen.
Bashkohu me ne!
Të bëhesh pjesë e një grupi vrapimi për herë të parë mund të duket shumë e vështirë, shoqëruar me shumë hezitime e pengesa që të frenojnë. Ne duam të të themi që të kuptojmë shumë mirë! Por, duam që të mos humbasësh kënaqësinë e vrapimit dhe të qenit pjesë e Komunitetit 261 – prandaj, mos u shqetëso dhe ji Kurajoze!
Tiranë
Çdo të shtunë 8-9.15 am
Takohemi tek Memoriali Vëllezërit Frashëri, Parku Kombëtar i Tiranës
Brunilda Kondi Suela Tahiraj
Rrëshen
Çdo të shtunë në mëngjes në orën 8-9.15 am
Rreth Kishës së Qytetit
Arbërora Leti Domenika Kolaj Adelina Përleka
Fier
Çdo të shtunë , 7:00 – 8:15
Matilda Golemaj Anxhela Lugaj Besiana Iljazaj
Bëhu pjesë e komunitetit tonë duke u bërë anëtare!
Lista e gjërave për takimin e parë me Klubin 261
Kjo është një listë me gjërat e domosdoshme për takimin e parë të vrapimit me klubin 261
Veshje të rehatshme
Vish diçka me të cilën mund të lëvizësh lirshëm, nuk ka nevojë për materiale apo marka specifike. Shtresat janë të mira, kështu që mund t’i veshësh ose t’i zhveshësh në varësi të sa vapë apo ftohtë ke.
Atlete
Çfarëdo marke dhe sado të vjetra nuk ka problem, nxirr këpucët sportive nga fundi i dollapit. Mund të investosh për një palë të reja pasi të kesh filluar.
Reçipeta sportive
Nëse keni një palë të tilla. Trajnerët tona do të jenë në gjendje të të këshillojnë nëse nuk ke. Ndërkohë, vish reçipetat më mbështetëse që ke dhe ndoshta edhe një jelek apo bluzë të ngushtë për të dhënë mbështetje shtesë.
Bie shi?
Merr një xhaketë kundër ujit dhe diçka të thatë për ta veshur më pas.
Është ftohtë?
Vish kapuç dhe dorashka, një shall të lehtë mund të ishte mirë.
Është nxehtë apo diell?
Merr një kapelë, syze dielli, krem dielli dhe një shishe ujë.
5 arsye pse duhet të na bashkohesh
Zbulo përfitimet e të qenit pjesë e komunitetit tonë
Nuk të gjykojmë
Pavarësisht aftësive ose përvojës që ke me vrapimin, do të mirëpritesh nga Klubi lokal 261. Nuk ka rëndësi si dukesh ose çfarë vesh, sa djersit ose sa ngadalë ecën. Ne do të të ndihmojmë me teknikën e vrapimit dhe do të të orientojmë në rrugën drejt viteve të argëtimit në vrapim.
Nuk do të qeshim me pyetjet e tua
Dalin shumë gjëra kur fillon të vraposh, por askush nuk do të qeshë me pyetjet e tua. Ne do të të udhëzojmë se si të vraposh, çfarë të veshësh, si të shtriqesh, e gjumë të tjera. Askush nuk pret që të dish çdo gjë dhe të gjitha do të ndajmë me kënaqësi njohuritë dhe përvojat personale.
Do të kujdesemi për ty
Trajnerët tanë marrin trajnime me cilësi të lartë dhe edukim të vazhdueshëm. Ne duam që të shijosh vrapimin e shëndetshëm dhe të jesh në gjendje të kapërcesh hapat e parë që të lodhin mushkëritë, kështu që trajnerët tona përdorin lojëra, stërvitje dhe ushtrime të hartuara posaçërisht për të të ndihmuar të vraposh saktë, në mënyrë të sigurt dhe pa lëndime.
Do të të mbështesim
Klubi 261 është një komunitet grash që duan të mbështesin dhe inkurajojnë njëra-tjetrën të jenë të shëndetshme dhe aktive. Do të mahnitesh se sa shumë të ndihmon të kesh të tjera që besojnë se mund ta bësh këtë dhe që të motivojnë e të nxisin të bësh përpara. Ne të gjitha kemi dyshuar në veten tonë dhe na ka munguar besimi në të kaluarën. Tani duam të të drejtojmë dhe të të mbështesim.
Një botë e tërë po të pret
Anëtarësimi në klubin tonë lokal është vetëm fillimi. Ky klub të lidh me komunitetin tonë global 261 Fearless, i cili edukon dhe fuqizon gratë në të gjithë botën. Ka mundësi dhe mënyra të pafundme për t’u përfshirë. Thjesht ji kurajoze dhe hidh hapin e parë.
Bëhu trajnere 261!
A e ke zbuluar fuqinë e vrapimit dhe do ta përhapësh këtë pasion?
Trajnerët e 261 janë modele për gratë e tjera që të hedhin hapin e parë drejt një jete më aktive dhe më të shëndetshme. Si Trajnere e 261, ti motivon, frymëzon dhe inkurajon gratë në takimin e vrapimit me klubin 261 që të dalin nga zona e tyre e rehatit dhe të rriten. Gjithë çfarë të nevojitet është angazhimi dhe përkushtimi për të ndezur pasionin për vrapimin tek gratë e tjera.
Bashkohu tani me Klubin 261 Fearless!
Na kontakto
